AQSH prezidenti Xerson ustidan nazoratni Ukraina uchun “muhim gʻalaba” dedi

23:37 14 Noyabr 2022 Dunyo
546 0

Foto: Reuters

AQSH prezidenti Jo Bayden Rossiya qoʻshinlarining Xersondan olib chiqib ketilishi va shaharning Ukraina Qurolli Kuchlari nazoratiga oʻtishi Kiyev uchun “muhim gʻalaba” deya baholadi

Bayden Indoneziyada boʻlib oʻtgan G 20 sammitining matbuot anjumanida ishtirok etib, “Birinchidan, bu Ukraina uchun muhim gʻalaba”, dedi u rus armiyasining Xersondan olib chiqib ketilishiga izoh berib. Shu oʻrinda u Vashington Kiyevga harbiy yordam koʻrsatishda davom etishiga vaʼda berdi.

AQSH prezidenti, shuningdek, Qoʻshma Shtatlar Ukraina inqirozi boʻyicha Kiyev ishtirokisiz hech qanday muzokaralarda qatnashmasligiga taʼkidladi.

Joriy yilning 9-noyabr kuni Rossiya mudofaa vaziri Sergey Shoygu rus qoʻshinlarini Xersondan Dneprning chap qirgʻogʻiga olib chiqishni buyurdi. U bu qarorini tahdidlarning kuchayishi va rossiyalik harbiylarning hayotini saqlab qolish istagi va umuman, qoʻshinlar guruhining jangovar samaradorligi bilan izohlagan edi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер