AQSH Kiyevga 30 ga yaqin “Abrams” rusumidagi tanklarni yuborishi mumkin

01:10 25 Yanvar 2023 Dunyo
462 0

Foto: AP

Amerika Qoʻshma Shtatlari Ukrainaga 30 ga yaqin “Abrams” rusumidagi tanklarni yuborish imkoniyatini koʻrib chiqmoqda. Bu haqda AQSH rasmiylariga tayanib, “Politico” xabar bermoqda.

Ikki AQSH rasmiylaridan biri, Jo Bayden maʼmuriyati 30 ga yaqin “Abrams” tanklarini yuborishni koʻrib chiqayotganini aytdi.

Oʻz navbatida, gazeta manbalari ham shu haftada shunday tanklarning sezilarli sonini taqdim etish boʻyicha qaror qabul qilinishi mumkinligi haqidagi maʼlumotni tasdiqlagan.

Avvalroq Pentagon matbuot kotibi Patrik Rayder brifingda OAVda Vashington yaqinda Kiyevga “Abrams” tanklari yetkazib berilishi haqida eʼlon qilishi haqidagi maʼlumotga izoh berib, hozircha hech qanday maʼlumot yoʻq, degan edi.

Bungacha AQSH Davlat kotibining birinchi oʻrinbosari Vendi Sherman yaqin kunlarda Ukrainani Gʻarb tanklari bilan taʼminlash masalasi boʻyicha qaror qabul qilinishi mumkinligini aytgandi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?