“Apple” Rossiyada yangi mahsulotlarini sotishdan bosh tortdi

16:31 18 Mart 2022 Dunyo
1237 0

Arxiv surat

“Apple” Rossiyada yangi “iPhone SE”, “Mac Studio” va yangilangan “iPad Air”ni sotishdan bosh tortdi.

“Apple” oʻzining bahorgi taqdimotidan oʻrin yangi “iPhone SE”, “Mac Studio” va yangilangan “iPad Air”ni Rossiyada sotishdan bosh tortgan. Bu haqda smartfonlar bozoridagi manbaga tayanib “TASS” xabar bermoqda.

Bugun(18-mart)dan boshlab boshqa mamlakatlarda “Apple”ning yangi qurilmalari sotuvi boshlandi. Kompaniya Rossiyaga yangi qurilmalar yetkazib berish va sotishni toʻxtatishga qaror qilgan. Biroq, hali Rossiya bozorini tark etgani yoʻq. Bugungi kunga qadar “AppStore” ilovalar doʻkoni ishlashda davom etmoqda va “iOS” yangilanishlari rossiyalik foydalanuvchilarning qurilmalariga kelmoqda. 

Mart oyi boshida kompaniya Rossiya hududi uchun “Apple” onlayn-doʻkonlarida barcha gadjetlar sotuvi toʻxtatilganini eʼlon qilgan edi. Ushbu qaror Rossiyaning Ukrainaga boshlagan “maxsus harbiy amaliyoti” bilan bogʻliq. 

“Biz insonparvarlik saʼy-harakatlarini qoʻllab-quvvatlaymiz, qochqinlar inqiroziga qarshi yordam beramiz va mintaqadagi jamoalarimizni qoʻllab-quvvatlash uchun qoʻlimizdan kelganini qilamiz”, deyiladi kompaniya bayonotida.

Oldinroq, avtomobillar uchun shinalar ishlab chiqaruvchi Italiyaning “Pirelli”, Fransiyaning “Michelin” va  Yaponiyaning “Bridgestone” kompaniyalari Rossiyadagi faoliyatini qisman cheklagani, ayrimlari esa toʻxtatgani haqida xabar bergan edik. 

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер