Angolada umummilliy saylov boʻlib oʻtdi

11:00 26 Avgust 2022 Dunyo
820 0

Joriy yilning 24-avgust kuni Angolada prezidentlik hamda parlament saylovlari boʻlib oʻtdi.

Angolada parlament saylovi 2 xil tarzda amalga oshiriladi: 130 oʻrin uchun yopiq roʻyxatli proporsional tizimda, 90 nafari esa 18 ta okrugda dʻHondt usulidagi ochiq roʻyxatli proporsional tizimda saylanadi.

Ovoz berishda ishtirok etish uchun saylovchilar 18 yoshga toʻlgan boʻlishi, qoʻsh fuqarolikka ega boʻlmasligi, aqlan zaif va jinoiy javobgarlikka tortilmagan boʻlishi kerak.

Angolada saylovlar ertalab 7:00 da boshlanib 17:00 da tugaydi. Angola saylov komissiyasining Al-Jazira nashriga xabar berishicha 86 % ovozlar sanab chiqilgan. Natijalarga koʻra hukmron partiya MPLA 52 %, muxolifatdagi UNITA partiyasi 44.1 % ovoz toʻplagan.

Prezident saylovidagi dastlabki natijalarga koʻra Joau Lourenso 51.08%, muxolifatchi Adalberto Kosta Junior 44.05 % ovoz toʻplagan.

Angolada roʻyxatdan oʻtgan saylovchilar soni 13 million 973 ming kishini tashkil etadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер