Foto: “Xalq so‘zi”

Respublikamizda navqiron avlod vakillarining oliy taʼlim olishi va jamiyatda oʻz oʻrnini topishiga koʻmaklashish borasidagi chora-tadbirlar mazmun-mohiyatan yanada keng qamrov kasb etmoqda. Ayniqsa, bu  jarayonda xotin-qizlarning ishtirokini taʼminlash doirasidagi ishlar gʻoyatda quvonarli. Jumladan,  Andijon davlat tibbiyot institutida taʼlim olayotgan 48 nafar ehtiyojmand oilalarning talaba qizlari shartnoma puli Andijon viloyat hokimligi va institut tomonidan qoplab berildi.

– Qaysiki mamlakatda taʼlimni rivojlantirish uchun talabaning iqtidori qoʻllab-quvvatlansa, shu davlatning kelajagi porloqdir,– deydi ota-onalar nomidan minnatdorlik izhor etgan Sayyora Akbarova. – Bugun hukumatimiz tomonidan farzandlarimizga berilayotgan eʼtibor, qoʻllab-quvvatlash vaqti kelib juda katta iqtisodiy-ijtimoiy foyda keltirishiga ishonaman.

Bu kabi xayrli ishlar viloyatdagi boshqa oliy oʻquv yurtlarida ham davom etamoqda.

Saminjon HUSANOV, “Xalq soʻzi”.