Andijon va Namangan viloyatlarida kredit mablagʻlarini talon-toroj qilish holatlari aniqlandi

14:21 02 Noyabr 2022 Jamiyat
212 0

Foto: Bosh prokuratura huzuridagi Departament

Bosh prokuratura huzuridagi Departamentning Buloqboshi tuman boʻlimi tomonidan oʻtkazilgan tergovga qadar tekshiruvda, “Sh.A.» MCHJ rahbari R.A. bank filialidan ajratilgan 500 mln soʻm imtiyozli kredit mablagʻi evaziga taʼminotchi korxonadan qabul qilib olgan maishiy texnika jihozlarini sotuvidan tushgan mablagʻlarni kredit qarzdorligini soʻndirishga yoʻnaltirmasdan, oʻzlashtirish yoʻli bilan talon-toroj qilganligi aniqlangan.

Shu kabi, Departamentning Namangan viloyat boshqarmasi tomonidan oʻtkazilgan tergovga qadar tekshiruvda, “K-I.» MCHJni norasmiy boshqarib kelgan M.K. va boshqalar, MCHJga tikuv dastgohlarini sotib olish uchun ajratilgan 170 mln soʻm imtiyozli kredit mablagʻini boshqa maqsadlarda foydalanib, oʻzlashtirish yoʻli bilan talon-toroj qilganliklari aniqlangan.

Mazkur holatlar yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishlari qoʻzgʻatilib, tergov harakatlari oʻtkazilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?