Aytdi va qaytdi: Antikorrupsiya agentligi “Coca-cola Uzbekiston"ning sotuvini toʻxtatishni soʻradi, bir kun oʻtib eʼtirozi yoʻqligini bildirmoqda

15:09 26 Yanvar 2021 Jamiyat
1712 0

Korrupsiyaga qarshi kurashish agentligi tomonidan joriy yilning 25-yanvar kuni Davlat aktivlarini boshqarish agentligiga “Korrupsiyani keltirib chiqaruvchi sabab va shart-sharoitlarni bartaraf etish choralarini koʻrish toʻgʻrisida” Taqdimnoma kiritilgan edi.

Unda tender ishtirokchilarini saralash va gʻolibni tanlash boʻyicha belgilangan mezonlarning oʻta yuqori va asoslantirilmaganligi sababli “Coca-cola Ichimligi Uzbekiston, Ltd” MCHJdagi (keyingi oʻrinlarda – Kompaniya) davlat ulushini xususiylashtirish boʻyicha oʻtkazilayotgan tender jarayonini toʻxtatish soʻralgan edi.

“Ushbu Taqdimnomaga Davaktiv agentligi tomonidan operativ ravishda rasman munosabat bildirilganligi va xususiylashtirish jarayoni boʻyicha barcha asoslar tushuntirib berilganligiga minnatdorchilik bildiramiz”, deb xabar bermoqda Korrupsiyaga qarshi kurashish agentligi.

Maʼlum boʻlishicha, hozirda Kompaniyadagi davlat ulushini xususiylashtirish jarayoni xalqaro amaliyot boʻyicha olib borilmoqda. Bunga dunyoning nufuzli “Rothschild & Co” investitsiya banki moliyaviy maslahatchi va “Dentons” yuridik firmasi yuridik maslahatchi sifatida jalb etilib, jarayonlar shaffof tamoyillar asosida tashkil etilmoqda.

Shu munosabat bilan, Agentlik xususiylashtirish jarayonlarini xalqaro kompaniyalar ishtirokida amalga oshirilayotgan bunday yangi amaliyotni toʻla qoʻllab-quvvatlaydi va xususiylashtirish jarayonining davom ettirilishiga eʼtirozi yoʻqligini maʼlum qildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?