Aholining uy-joyga boʻlgan ehtiyojini toʻliq qondirish uchun yiliga kamida 100-150 mingta uy-joy qurish kerak — Prezident

18:17 03 Mart 2021 Siyosat
378 0

Poytaxtimizda Prezidentimiz raisligida joriy yilda uy-joy qurilishi va ipoteka bozorini rivojlantirish borasidagi ustuvor vazifalarga bagʻishlangan videoselektor yigʻilishi boʻlib oʻtmoqda.

OʻzAning yozishicha, mamlakatimizda oʻtgan toʻrt yilda davlat dasturlari asosida 140 ming yoki yiliga oʻrtacha 35 mingdan uy-joylar barpo etilgan. Bu oldinlari yiliga qurilgan oʻrtacha uy-joydan 4-5 baravar koʻp, degani.

Yigʻilishda bu yetarli emas ekanligi taʼkidlandi

«Hisob-kitoblarga koʻra, mamlakatimiz aholisining uy-joyga boʻlgan ehtiyojini toʻliq qondirish uchun yiliga kamida 100-150 mingta uy-joy qurish kerak.

Buni tegishli mutaxassislar hisoblab chiqqan. Endi asosiy eʼtiborni loyiha va qurilish sifatini oshirish, sohani mablagʻ bilan taʼminlash va halol-pok ishlatish, malakali mutaxassislar tayyorlash kabi koʻplab muammolarni bartaraf etish lozim", dedi Prezident.

Davlatimiz rahbari shu sababli, aholini uy-joy bilan taʼminlashga oid yangi Farmon tayyorlanganini taʼkidladi.Ushbu Farmonda, eng muhimi aholining barcha qatlamlarini uy-joy bilan taʼminlash va bu borada ularning tanlash imkoniyatlarini kengaytirish koʻzda tutilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?