Afg‘onistonda suv toshqinlari oqibatida kamida 20 kishi halok bo‘ldi

20:46 22 Avgust 2022 Dunyo
1413 0

Foto: AP Photo

Afgʻonistonda soʻnggi 48 soat ichida suv toshqinlari oqibatida kamida 20 kishi halok boʻldi. Bu haqda Reuters xabar bermoqda.

Kuchli yomgʻirlar minglab uylarni vayron qildi, qishloq xoʻjaligi yerlariga zarar yetkazdi. Logar viloyatida tabiiy ofat tufayli 35 kishi jabrlandi. Norasmiy maʼlumotlarga koʻra, qurbonlar soni ancha koʻp.

Ijtimoiy tarmoqlarda Tolibon hukumatining yordamga chaqiruvchi videosi tarqaldi.

“Biz xalqaro hamjamiyatdan, xususan, islomiy mamlakatlar va gumanitar tashkilotlardan jabrlanganlarga zudlik bilan yordam berishlarini soʻraymiz”, dedi Tolibon hukumati vakili Zabihulloh Mujohid videomurojaatida.

Bu yil mamlakatda tabiiy ofatlar avj oldi. Iyun oyidagi qurgʻoqchilik va kuchli zilzila 1000 dan ortiq odamning umriga zomin boʻldi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?