Foto: Reuters

Abu-Dabida Ukrainadagi mojaroni hal qilish boʻyicha muzokaralarning birinchi kuni yakunlandi.

“Muzokaralar payshanba kuni ertalab (mahalliy vaqt bilan) kechgacha davom etadi”, — deb yozdi “Axios” portali muxbiri Barak Ravid muzokaralar bilan tanish manbaga tayanib.

Ukraina Milliy xavfsizlik va mudofaa kengashi kotibi Rustem Umerov muzokaralarning birinchi kuni haqida izoh berib, “mazmunli va samarali boʻldi” dedi.

Uning soʻzlariga koʻra, Ukraina delegatsiyasi prezident Vladimir Zelenskiy uchun hisobot tayyorlamoqda.

AQSH muzokaralarning eng murakkab masalasini oshkor qildi

AQSH Davlat kotibi Marko Rubio Kiyev uchun hudud va xavfsizlik kafolatlari masalasi Ukraina mojarosini hal qilish boʻyicha muzokaralarda eng murakkab masalalar boʻlib qolishini taʼkidladi.

“Yomon xabar shundaki, eng murakkab masalalar qolmoqda va shu bilan birga urush davom etmoqda”, — dedi diplomat.

Shu bilan birga, Rubio Ukraina kelishuvidagi hal qilinmagan masalalar roʻyxati sezilarli darajada qisqartirilganini aytdi.

Lavrov muzokaralarning istiqbollari haqida nima dedi?

Rossiya tashqi ishlar vaziri Sergey Lavrov ilgari agar Kiyev delegatsiyasi Abu-Dabidagi uchrashuvda NATO bosh kotibi Mark Ryuttening rejasini taklif qilsa, bu Zelenskiyning tinchlikka qiziqmasligini isbotlashini aytgan edi.

“Men delegatsiya bilan Mark Ryutte kecha Kiyevdagi Radada gapirgan xavfsizlik kafolatlari gʻoyasi haqida gaplashdim. Agar ukrainlar bu bilan Abu-Dabiga borgan boʻlsa, menimcha, bu Zelenskiy tinchlikni xohlamasligiga ishonish uchun yana bir sababdir” — deydi diplomat.

Lavrov shuningdek, Rossiya Ankorij muzokaralarida AQSHning tinchlik rejasiga asosan rozi boʻlganini, ammo keyinchalik Yevropa mamlakatlari Zelenskiy bilan birgalikda mavjud kelishuvlarni qayta koʻrib chiqishga qaror qilganini aytdi.

“Bu biz uchun oson qadam emasligini aytdik, lekin biz murosaga kelish elementlarini hisobga olgan holda AQSH takliflariga ochiqmiz. Biz ularning takliflarini asosan qabul qildik... Va Yevropa darhol Zelenskiy bilan Vashingtonga yugurdi va Rossiya prezidenti Vladimir Putin tomonidan allaqachon maʼqullangan AQSH tashabbusini qayta ishlashni boshladi”, — deydi Lavrov.

Shu bilan birga, u Rossiya rahbari Ukraina mojarosini diplomatik yoʻl bilan hal qilishga sodiq qolishini taʼkidladi.

Rossiya prezidenti matbuot kotibi Dmitriy Peskovning taʼkidlashicha, Rossiya Kiyev Ukrainadagi mojaroni tinch yoʻl bilan hal qilish uchun tegishli qarorlar qabul qilmaguncha oʻzining maxsus harbiy operatsiyasini davom ettiradi.

“Rossiya oʻzining maxsus harbiy operatsiyasini davom ettirmoqda. Tinchlik yoʻli bilan hal qilish eshigi ochiq…”, — deya qoʻshimcha qildi Kreml vakili.

Peskov shuningdek, Moskva Vashingtonning Ukrainadagi mojaroni hal qilish borasidagi saʼy-harakatlari uchun minnatdor ekanini aytdi.

“Buni Kiyev rejimi ham, ushbu uch tomonlama muzokaralarni oʻtkazishda oʻzlarining yaxshi xizmatlarini koʻrsatayotgan amerikalik muzokarachilar ham yaxshi tushunadilar va biz ularning saʼy-harakatlari uchun minnatdormiz”, — dedi Peskov.

Muzokaralar bugun, 5-fevral kuni ham boʻlib oʻtadi.