Abdulaziz Komilov Eron Islom Respublikasi Tashqi ishlar vaziri Husayn Amir Abdullahiyon bilan uchrashdi

11:10 28 Noyabr 2021 Siyosat
343 0

2021-yilning 27-noyabr kuni Iqtisodiy hamkorlik tashkiloti Tashqi ishlar vazirlari kengashi majlisida ishtirok etish uchun Ashxobod shahrida boʻlib turgan Oʻzbekiston Respublikasi tashqi ishlar vaziri Abdulaziz Komilov Eron Islom Respublikasi Tashqi ishlar vaziri Husayn Amir Abdullahiyon bilan uchrashdi.

Muloqot chogʻida turli yoʻnalishdagi ikki tomonlama munosabatlarning holati va istiqbollari muhokama qilindi. Ikki davlatning xalqaro va mintaqaviy tashkilotlar doirasidagi oʻzaro hamkorligiga alohida eʼtibor qaratildi.

Oʻzaro tovar ayirboshlash hajmini oshirish va savdo-iqtisodiy aloqalarni kengaytirishga qaratilgan hududlararo transport-logistika loyihalarini amalga oshirish masalalari koʻrib chiqildi.

Afgʻoniston inqirozini hal qilish boʻyicha saʼy-harakatlarni birlashtirish, shuningdek, mamlakatga insonparvarlik va boshqa yordam koʻrsatilishi muhimligi qayd etildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?