Abdulaziz Komilov Bishkekda Xitoy tashqi ishlar vaziri bilan uchrashdi

12:45 22 May 2019 Jamiyat
1172 0

2019 yilning 22 may kuni Oʻzbekiston Respublikasi Tashqi ishlar vaziri Abdulaziz Komilov Bishkek shahrida Xitoy Xalq Respublikasi Davlat kengashi aʼzosi, Tashqi ishlar vaziri Van Yi bilan uchrashdi. Bu haqda vazirlik matbuot xizmati xabar berdi.

Tashqi siyosat idoralari rahbarlari 2019 yil 25 aprel kuni Pekin shahrida boʻlib oʻtgan “Bir makon, bir yoʻl” ikkinchi xalqaro forumi ishida ishtirok etish doirasida Prezident Shavkat Mirziyoyev va Rais Si Szinpinning ikki tomonlama uchrashuvi chogʻida erishilgan kelishuvlarni amalga oshirish masalalariga asosiy eʼtibor qaratdilar.

Vazirlar Bishkek shahrida boʻlib oʻtadigan SHHT sammitiga tayyorgarlik masalalarini muhokama qildilar va uning muvaffaqiyatli yakunlanishidan manfaatdor ekanliklarini taʼkidladilar.

Uchrashuvda dolzarb xalqaro va mintaqaviy masalalar yuzasidan ham fikr almashildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?