58 yoshli oʻzbekistonlik Qozogʻistonda uch yil mehnat qulligida ushlab turilgani aniqlandi

10:38 17 Noyabr 2020 Jamiyat
292 0

Illyustrativ foto

Qozogʻistonda 58 yoshli oʻzbekistonlikni uch yil davomida mehnat qulligida ushlab turishgani aniqlandi. Undan hujjatlari olib qoʻyilgan va jismoniy tazyiq oʻtkazilgan. 

Bu haqda Qozogʻiston ichki ishlar vazirligi vakillari ishtirokida oʻtkazilgan brifingda maʼlum qilindi. Ularning aytishicha, Oʻzbekistonning 58 yoshli fuqarosi uch yil davomida mehnat ekspluatatsiyasiga duchor boʻlgan, deb xabar berdi Tengrinews.kz.

Aktyubinsk viloyatidagi dehqon xoʻjaligi rahbari ushbu erkak kishidan hujjatlarini olib qoʻygan va unga jismoniy tazyiq oʻtkazish orqali tahdid qilgan. Oʻzbekiston fuqarosi omborxonada yashab, chorvaga qaragan.

Ushbu holat boʻyicha Qozogʻiston jinoyat kodeksining odam savdosi moddasi boʻyicha jinoyat ishi qoʻzgʻatilib, tergov harakatlari olib borilyapti.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?