34 ta strategik turdagi foydali qazilma uchastkalari elektron onlayn auksionga joylashtirildi

08:41 07 Oktyabr 2020 Iqtisodiyot
512 0

Davlat geologiya qoʻmitasi tomonidan Oʻzbekiston Respublikasi Vazirlar Mahkamasining 2020-yil 23-iyundagi “Yer qaʼri uchastkalaridan foydalanish huquqi uchun litsenziyalar berish tartibini yana-da takomillashtirish chora-tadbirlari toʻgʻrisida”gi 403-sonli qaroriga muvofiq 34 ta strategik turdagi foydali qazilma uchastkalari “E-IJRO AUKSION” elektron onlayn auksionga joylashtirildi.

Endilikda barcha xorijiy va mahalliy investorlar, internet foydalanuvchilari “E-IJRO AUKSION” platformasi orqali masofadan turib Oʻzbekiston hududidagi strategik turdagi foydali qazilmalar mavjud konlar va istiqbolli maydonlar joylashuvini koʻrishi, yer maydoni haqidagi birlamchi maʼlumotlar bilan tanishishi, ushbu konlarni va istiqbolli maydonlardan foydalanish huquqini auksionda qatnashuv orqali qoʻlga kiritishi mumkin.

“E-IJRO AUKSION” elektron onlayn auksionga joylashtirilgan yer qaʼri uchastkalari ichida respublikada joylashgan oltin, uran, mis, kumush, volfram, qalay, marganes va boshqa turdagi foydali qazilma uchastkalari mavjud.

Tadbirkorlik subyektlariga yer qaʼri uchastkalaridan foydalanish huquqi uchun litsenziyalar berish elektron online-auksion savdolari asosida amalga oshiriladi.

Talabgorlar mazkur “E-IJRO AUKSION” elektron savdo maydonchasida elektron auksionda ishtirok etish uchun www.e-auksion.uz sayti orqali elektron shaklda arizalarni oʻrnatilgan tartibda topshirishlari hamda ushbu arizada qayd etilgan lot raqami va nomi boʻyicha elektron auksion savdolarida ishtirok etishlari uchun sharoit yaratilgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?