Foto: Illustrativ surat

“Oʻzgidromet” markazining prognoziga koʻra,  Oʻzbekistonning ayrim hududlarida Yangi yil kechasi qor yogʻishi mumkin.

Oʻzbekistonning aksariyat qismida Yangi yil bayrami kechasida qor yogʻishi mumkinligi haqida  Oʻzgidromet markazi direktori Sherzod Habibullayev  ham maʼlum qildi.

“Oʻzgidromet” maʼlumotiga koʻra, Toshkent, Samarqand, Jizzax va Sirdaryo viloyatlarida 31-dekabr kuni kechga tomon baʼzi joylarda biroz yogʻingarchilik boʻladi. Xususan, yomgʻir yogʻib, qorga aylanishi mumkin. Harorat kunduzi +2…+7 daraja, kechasi 0…+5 daraja boʻladi.

1-yanvar kuni esa Andijon, Namangan va Fargʻona viloyatlarida qor yogʻadi. Ayrim joylarga tuman tushishi mumkin. Harorat kechasi −1…+6 daraja, kechasi 0…+5 daraja boʻladi. 

Statistika boʻyicha, 31-dekabr kuni Toshkentda yogʻingarchilik oʻrtacha 4−5 yilda 1-marta, 1-yanvar kuni esa 2−3 yilda 1-marta yogʻadi. Biroq, har doim ham bu yogʻingarchiliklar qor shaklida boʻlmaydi. Yangi yil kechasida qor koʻrinishidagi yogʻingarchilik juda kamdan kam hollarda kuzatiladi.