AOKAda “Oʻzsanoatqurilishmateriallari” uyushmasi rahbariyati va mutaxassislari ishtirokida oʻtkazilgan matbuot anjumanida 1-chorakda tizimda amalga oshirilgan ishlar haqida maʼlumot berildi.

Shuningdek, 2023-yil I-choragida uyushma tarkibidagi korxonalar tomonidan jami 2 trln 158,7 mlrd soʻmlik sanoat mahsulotlari ishlab chiqarilib, oʻtgan yilga nisbatan oʻsish 100,3 foizni tashkil etdi.

Vazirlar Mahkamasining 2020-yil 29-iyundagi №02/1-58-sonli topshirigʻi bilan sement mahsuloti narxining keskin oʻsib ketishini oldini olish maqsadida:

— birja savdolariga kunlik rejadagi 32 ming tonna oʻrniga 40 ming tonna sement qoʻyish taʼminlandi;

— birja savdolarida bir oy muddatga kechiktirgan holda sement yetkazib berish boʻyicha “forvard” savdo turi joriy etildi;

— birja savdolarida sotib olinadigan sementni avtomobil transportidan foydalangan holda yuklab joʻnatish muddati 2020-yilning 1-iyulidan boshlab 10 kundan 5 kungacha qisqartirildi.

Joriy yilning birinchi choragida jami 2,5 mln tonna sement ishlab chiqarilgan. Ushbu davrda birja savdolarida sotilgan 515,4 ming tonna sement isteʼmolchilarga yetkazib berilgan.