Avvalroq, Davlat moliyaviy nazorati departamenti va uning hududiy boshqarmalari tomonidan 2020-yilda byudjet intizomiga rioya etilishi va byudjet mablagʻlarning maqsadli foydalanishi yuzasidan 4 729 ta (2019-yilda 8 074 ta) nazorat tadbirlarida 246 mlrd.soʻm miqdorida byudjet intizomi buzish, pul va tovar-moddiy boyliklar kamomadi va asossiz xarajatlar aniqlangani haqida xabar bergan edik.

Unga koʻra, mahalliy byudjetlar mablagʻlarini maqsadli sarflanishi yuzasidan oʻtkazilgan nazorat tadbirlarida jami 175,3 mlrd.soʻm miqdorida, jumladan Qashqadaryo (26,1 mlrd.soʻm), Andijon (19,8 mlrd.soʻm), Surxondaryo (16,5 mlrd.soʻm), Fargʻona (14,4 mlrd.soʻm), Toshkent (13,2 mlrd.soʻm), Jizzax (13 mlrd.soʻm), Samarqand (13 mlrd.soʻm), Sirdaryo (12,9 mlrd.soʻm), Namangan (12 mlrd.soʻm), Xorazm (6 mlrd.soʻm), Buxoro (3,6 mlrd.soʻm), Navoiy (2,4 mlrd.soʻm) viloyatlarida hamda Toshkent shahrida (13,8 mlrd.soʻm) va Qoraqalpogʻiston Respublikasida (8,1 mlrd.soʻm) qonunbuzilish holatlari va boshqa xato-kamchiliklar aniqlangan.