Valyuta ayirboshlash bilan shugʻullanib kelgan shaxslar ushlandi. Bu haqida Iqtisodiy jinoyatlarga qarshi kurashish departamenti xabar berdi.

Bosh prokuratura huzuridagi Departamentning Toshkent shahri boshqarmasi va boshqa huquqni muhofaza qiluvchi organ xodimlari hamkorligida tezkor tadbir oʻtkazilgan.

Unda valyuta ayirboshlash bilan shugʻullanib kelgan E.M. fuqaro D.X.ga 4 500 yevroni 64,8 mln soʻmga sotgan vaqtida ushlanib, undan 376 AQSH dollari, 7 700 qirgʻiz somi, 205 angliya funt sterlingi, 29 500 qozoq tengesi, 400 xitoy yuani, 650 turk lirasi, 50 saudiya riali, 145 860 rossiya rubli va 73,6 mln soʻm ashyoviy dalil sifatida rasmiylashtirib olingan.

Shu kabi yana bir holat, Departamentning Mirobod tumani boʻlimi va boshqa huquqni muhofaza qiluvchi organ xodimlari hamkorligida oʻtkazilgan tezkor tadbirda ham aniqlangan.

Unga koʻra, valyuta ayirboshlash bilan shugʻullanib kelgan shaxs M.P. fuqaro Z.X.ga 5 000 AQSH dollarini 60,9 mln soʻmga sotgan vaqtida ushlanib, undan jami 9 044 AQSH dollari, 100 yevro, 930 rossiya rubli, 31 000 qozoq tengesi va 33,7 mln soʻm ashyoviy dalil sifatida olingan.

Shuningdek, Departamentning Oʻzbekiston tumani boʻlimi va boshqa huquqni muhofaza qiluvchi organ xodimlari hamkorligida oʻtkazilgan tezkor tadbirda fuqaro I.A. fuqaroga 5 750 AQSH dollarini 69,8 mln soʻmga sotgan vaqtida ushlanib, undan jami 8 261 AQSH dollari, 31 300 rossiya rubli, 10 EURO va 45,7 mln soʻm ashyoviy dalil sifatida rasmiylashtirilgan.

Departamentning Qashqadaryo viloyati boshqarmasi va IIB xodimlari hamkorligida oʻtkazilgan tezkor tadbirda ham valyuta ayirboshlash bilan shugʻullanib kelgan L.O. fuqaro R.X.ga 5 200 AQSH dollarini 62,9 mln soʻmga sotgan vaqtida ushlanib, undan yana 3 820 AQSH dollari ashyoviy dalil sifatida olib qoʻyilgan.

Buxoro shahrida oʻtkazilgan tezkor tadbirda muqaddam JKning 177-moddasi bilan sudlangan, valyuta ayirboshlash bilan shugʻullanib kelgan S.Ya. fuqaro B.K.ga 4 100 AQSH dollarini 49,8 mln soʻmga sotgan vaqtida ashyoviy dalillar bilan qoʻlga olingan.

Departamentning Jomboy tumani boʻlimi xodimlari tomonidan oʻtkazilgan tezkor tadbirda valyuta ayirboshlash bilan shugʻullanib kelgan N.M. fuqaroga 4 000 AQSH dollarini 48,6 mln soʻmga sotgan vaqtida ushlanib, undan yana 6 900 AQSH dollari, 112,3 mln soʻm, 13 ming rossiya rubli va 130 yevro ashyoviy dalil sifatida rasmiylashtirib olingan.

Bundan tashqari, Departamentning Bulungʻur tumani boʻlimi xodimlari tomonidan oʻtkazilgan tezkor tadbirda valyuta ayirboshlash bilan shugʻullanib kelgan A.B fuqaro A.U.ga 4 000 AQSH dollarini 48,8 mln soʻmga sotgan vaqtida ushlanib, undan yana 5 000 rossiya rubli ashyoviy dalil sifatida olingan.

Yangiyoʻl shahrida oʻtkazilgan tezkor tadbir davomida fuqaro M.U. fuqaro A.A.ga 4 000 AQSH dollarini 48.7 mln soʻmga sotgan vaqtida ashyoviy dalillar bilan ushlangan. Hozirda yuqoridagi holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki oʻtkazish) bilan jinoyat ishlari qoʻzgʻatilib, tergov harakatlari oʻtkazilmoqda.

“Hurmatli fuqarolar va tadbirkorlar, valyuta qimmatliklarini ayirboshlashda faqat bank muassasasi yoki uning shoxobchalari orqali amalga oshirishingizni soʻrab qolamiz, agarda Siz qonunga xilof ravishda valyuta ayirboshlash yoki valyuta qimmatliklarini qalbakilashtirish bilan shugʻullanuvchi shaxslarga duch kelsangiz bu haqida zudlik bilan Iqtisodiy jinoyatlarga qarshi kurashish Departamentining 71-233-10-07 raqamli ishonch telefoni orqali maʼlum qilishingizni soʻraymiz. Murojaatchilarning shaxsi sir saqlanishi kafolatlanadi”, — deyiladi departament xabarida.