Oʻzbekiston Respublikasi Maktabgacha va maktab taʼlimi vazirligi tashabbusi bilan oʻtkazilayotgan ushbu II Abu Ali ibn Sino xalqaro biologiya olimpiadasining ochilishi bagʻishlangan tantanali marosimda olimlar va xalqaro ekspertlar, viloyatdagi davlat va xususiy oliy taʼlim muassasalarining rektorlari hamda professor-oʻqituvchilari, hamkor tashkilotlar rahbarlari hamda keng jamoatchilik vakillari ishtirok etdilar va unda mamlakatimizda oʻsib kelayotgan yosh avlodni jismonan sogʻlom, ruhan tetik, aqlan barkamol etib tarbiyalashga qaratilayotgan katta eʼtibor va buning samaralari yana bir bor taʼkidlandi.

— Prezidentimiz taʼkidlaganlaridek, bugun mamlakatimizda uchinchi renessansga poydevor qoʻyilmoqda va bu maqsadga erishishda hal qiluvchi kuch bilimli va zamonaviy fikrlaydigan yoshlardir, — deydi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi direktori Sevara Shokirova. — Ushbu olimpiadadan koʻzda tutilgan maqsad ana shunday iqtidorlarni kashf etish va ularni qoʻllab yoshlarning biologiya fanidan bilim va koʻnikmalarini oshirish, xalqaro quvvatlash bilan birgalikda xalqaro tajriba almashishdir.

Namangan shahridagi “Turan” universitetida boʻlib oʻtadigan olimpiada mamlakatimizdan va Turkiya, Tailand, Malayziya, Rossiya, Ozarbayjon, Belarus, Moʻgʻuliston, Qozogʻiston, Qirgʻiz Respublikasi, Tojikiston, Turkmaniston davlatlaridan yuz nafarga yaqin nafar iqtidorli oʻquvchilar biologiya fani boʻyicha bilimlar sinovida oʻzaro kuch sinashadi.

Bu olimpiada Oʻzbekistonda oʻtkazilayotgan koʻplab nufuzli xalqaro fan musobaqalaridan biri sifatida mamlakatimizning taʼlim sohasidagi xalqaro nufuzini oshirishga xizmat qiladi.

Akramjon Sattorov, “Xalq soʻzi”.