FIFA Jahon chempionati oldidan Oʻzbekiston terma jamoasi himoyachisi Abduqodir Husanovga alohida eʼtibor qaratdi.

“Abduqodir Husanov bilan tanishing — Oʻzbekistonning FIFA Jahon chempionati sari yoʻl olayotgan eng yorqin futbol yulduzlaridan biri.
2025-yil yanvar oyida u “Manchester Siti” safiga qoʻshildi va Angliya Premyer-ligasida maydonga tushgan ilk oʻzbekistonlik futbolchi sifatida tarixga kirdi.
Oʻtgan yozda Husanov klubi bilan AQSHda ilk bor oʻtkazilgan Klublar oʻrtasidagi Jahon chempionatida ishtirok etdi. Endi esa uni yanada katta sinov kutmoqda.
2026-yilda Jahon chempionati tarixda ilk bor 48 ta jamoa ishtirokida oʻtkaziladi. Yangi format koʻplab futbol mamlakatlari uchun yaxshi imkoniyat yaratdi va Oʻzbekiston ilk bor mundial yoʻllanmasini qoʻlga kiritdi.
Husanovning terma jamoadagi yutuqlari ham eʼtiborga molik: u Oʻzbekiston U-20 terma jamoasi bilan Osiyo kubogini qoʻlga kiritgan, U-20 Jahon chempionatida 1/8 finalgacha yetib borgan. Endilikda esa u dunyo futbolining eng nufuzli sahnasida yangi tarix yozishga intilmoqda“, — deyiladi FIFA Instagram sahifasida.