Armaniston Bosh vaziri Nikol Pashinyan mamlakat rasmiylari Kollektiv xavfsizlik shartnomasi tashkilotidagi (KXSHT) faoliyatini qayta tiklash uchun hech qanday chora koʻrmasligini maʼlum qildi. Uning soʻzlaridan “Kommersantʼ” iqtibos keltirmoqda.

“Fuqarolik shartnomasi” partiyasi iyun oyida boʻlib oʻtadigan parlament saylovlari oldidan saylovoldi dasturiga tegishli bandni kiritdi.

“Oʻzingizga maʼlumki, Armaniston Respublikasining KXSHTdagi aʼzoligi muzlatilgan va uning faoliyatini qayta tiklash boʻyicha hech qanday qadamlar qoʻyilmaydi”, — deya taʼkidladi Nikol Pashinyan.

Eslatib oʻtamiz, 2024-yilning fevral oyida Armaniston KXSHTdagi ishtirokini toʻxtatgan edi. Bu qaror ittifoqchilar oʻz majburiyatlarini bajarmayotgani va oʻz masʼuliyat zonasini tan olmayotgani bilan izohlangandi.

Gap 2022-yil kuzida Ozarbayjon qoʻshinlari Armanistonning Jermuk shahriga kirgan vaqtda KXSHT tomonidan hech qanday munosabat boʻlmagani haqida bormoqda. Yana bir sabab sifatida 2023-yil kuzidagi voqealar, yaʼni harbiy operatsiya natijasida Ozarbayjon Togʻli Qorabogʻ ustidan toʻliq nazorat oʻrnatgani koʻrsatilgan.

Keyinchalik Bosh vazir Nikol Pashinyan KXSHTni Armaniston xavfsizligi uchun tahdid deb atagan edi.