“Oʻzgidromet” bugun, 30-aprel kuni baʼzi hududlarda kuchli shamol esishi, chang-toʻzon hodisalari kuzatilishi mumkinligidan ogohlantirdi.

Unga koʻra, bugun kunduzi yogʻingarchilik kutilmaydi, faqat Qoraqalpogʻiston Respublikasi, Xorazm viloyatida baʼzi joylarda qisqa muddatli yomgʻir yogʻadi, momaqaldiroq boʻlishi mumkin. Toshkent viloyatida ayrim joylarda kechga tomon qisqa muddatli yomgʻir yogʻishi, momaqaldiroq boʻlishi mumkin.

Kunduz kuni Qoraqalpogʻiston Respublikasi, Xorazm, Buxoro, Navoiy viloyatlarida baʼzi joylarda shamol tezligi 13-18 metr/sekundgacha kuchayishi, ayrim joylarda chang-toʻzonlar bilan kuzatilishi mumkin. Harorat 28-33 daraja boʻladi.

Poytaxtimizda yogʻingarchilik kutilmaydi, faqat kechga tomon biroz qisqa muddatli yomgʻir yogʻishi, momaqaldiroq boʻlishi mumkin. Shamol 3-8 metr/sekund tezlikda esadi. Havo harorati 30-32 darajagacha koʻtariladi.

Togʻ oldi va togʻli hududlarda baʼzi joylarda qisqa muddatli yomgʻir yogʻadi, momaqaldiroq boʻlishi mumkin. Sel-suv toshqin hodisalari yuzaga kelishi mumkin. Shamol 7-12 metr/sekund tezlikda esadi. Harorat 18-23 daraja atrofida boʻlishi kutilmoqda.