2026-yilning yanvar aprel oylarida Oʻzbekistonda sogʻliqni saqlash sohasidagi xizmatlar hajmi qariyb 7,3 trln soʻmni tashkil etgan. Bu haqida Milliy statistika qoʻmitasi maʼlumot berdi.

Bildirilishicha, sogʻliqni saqlash sohasidagi xizmatlarning 16,8 foizi tibbiy amaliyot va stomatologiya xizmatlariga, 20,2 foizi shifoxona muassasalari xizmatlariga hamda 63 foizi boshqa xizmatlar hissasiga toʻgʻri kelgan.

Hududlar kesimida sogʻliqni saqlash xizmatlari hajmi quyidagicha:

Toshkent shahri — 3,3 trln soʻm;
Toshkent viloyati — 674,3 mlrd soʻm;
Samarqand viloyati — 549,2 mlrd soʻm;
Fargʻona viloyati — 488,1 mlrd soʻm;
Andijon viloyati — 329,0 mlrd soʻm;
Namangan viloyati — 323,6 mlrd soʻm;
Buxoro viloyati — 282,6 mlrd soʻm;
Xorazm viloyati — 270,0 mlrd soʻm;
Qashqadaryo viloyati — 263,5 mlrd soʻm;
Surxondaryo viloyati — 191,2 mlrd soʻm;
Jizzax viloyati — 172,5 mlrd soʻm;
Sirdaryo viloyati — 134,0 mlrd soʻm;
Qoraqalpogʻiston Respublikasi — 126,5 mlrd soʻm;
Navoiy viloyati — 118,4 mlrd soʻm.

Qoʻmita maʼlumotlariga koʻra, ushbu koʻrsatkich oʻtgan yilning mos davriga nisbatan 15,1 foizga oshgan.