JinoyatJinoyat kodeksida voyaga yetmaganlarga nisbatan jinsiy erkinlikka qarshi jinoyatlar hamda ular bilan jinsiy aloqa qilish va uyatsiz-buzuq harakatlarni sodir etish bilan bogʻliq jinoyatlar uchun muqaddam sudlangan shaxslar quyidagi jinoyatlarni sodir etganda ularga tegishincha umrbod ozodlikdan mahrum qilish yoki uzoq muddatli ozodlikdan mahrum qilish jazosini belgilanadi:

— oʻn toʻrt yoshga toʻlmagan shaxsning nomusiga tegish;

— oʻn toʻrt yoshga toʻlmagan shaxsga nisbatan jinsiy ehtiyojni zoʻrlik ishlatib gʻayritabiiy usulda qondirish;

— oʻn olti yoshga toʻlmagan shaxsga nisbatan uyatsiz-buzuq harakatlarni bir guruh shaxslar tomonidan sodir etganlik uchun ogʻirroq javobgarlikni belgilash, shuningdek, tergov va sud amaliyotidan kelib chiqqan holda Jinoyat kodeksi 129-moddasi dispozitsiyasiga aniqlik kiritish.

Prezident farmonining bu bandi voyaga yetmagan bolalarni himoya qilish yoʻlidagi qatʼiy qadamdir. Ularga nisbatan jinsiy jinoyat sodir etgan va avval ham sudlangan shaxslarga nisbatan umrbod yoki uzoq muddatli ozodlikdan mahrum qilish jazosining joriy etilishi adolat tamoyillarini mustahkamlaydi, jazoning muqarrarligini taʼminlaydi hamda bunday jinoyatlarning oldini olishda kuchli toʻsiq boʻlib xizmat qiladi.