2026-yilning yanvar mart oylarida Oʻzbekistonda koʻrsatilgan bozor xizmatlari hajmi 293,6 trln soʻmni tashkil etdi. Bu haqida Milliy statistika qoʻmitasi maʼlumot berdi.

Koʻrsatilgan bozor xizmatlari hajmi asosiy turlar boʻyicha quyidagicha taqsimlangan:

Savdo xizmatlari — 75,1 trln soʻm;
Transport xizmatlari — 49,1 trln soʻm;
Moliyaviy xizmatlar — 46,8 trln soʻm;
Yashash va ovqatlanish xizmatlari — 46,2 trln soʻm;
Aloqa va axborotlashtirish xizmatlari — 22,8 trln soʻm;
Taʼlim sohasidagi xizmatlar — 11 trln soʻm;
Koʻchmas mulk bilan bogʻliq xizmatlar — 6,7 trln soʻm;
Sogʻliqni saqlash sohasidagi xizmatlar — 5,4 trln soʻm;
Shaxsiy xizmatlar — 5,4 trln soʻm;
Ijara xizmatlari — 3,8 trln soʻm;
Kompyuterlar va maishiy tovarlarni taʼmirlash boʻyicha xizmatlar — 3,8 trln soʻm;
Meʼmorchilik, muhandislik izlanishlari, texnik sinovlar va tahlil sohasidagi xizmatlar — 3,5 trln soʻm;
Boshqa xizmatlar — 14 trln soʻm.

Qoʻmita maʼlumotlariga koʻra, ushbu koʻrsatkich 2025-yilning mos davriga nisbatan 16,1 foizga oshgan.