26:T70e,

Sogʻliqni saqlash vazirligi bergan maʼlumotga koʻra, ushbu soxta akkauntlar orqali turli iltimoslar, topshiriqlar hamda pul yoki shaxsiy maʼlumot soʻrash kabi xatti-harakatlar kuzatilyapti.

Bugungi kunda ijtimoiy tarmoqlar, jumladan, Telegram messenjerida ochilgan soxta akkauntlar orqali yuqori turuvchi idoralar rahbarlari nomidan soha masʼullariga soxta xabarnomalar yuborish holatlari uchramoqda.

Jumladan, Sogʻliqni saqlash vazirligi rahbariyati nomidan yaratilgan shu kabi soxta profillar orqali tizimdagi masʼul xodimlarga turli yolgʻon va noqonuniy topshiriqlar berilayotgani maʼlum boʻldi.

Sogʻliqni saqlash vazirligi bergan maʼlumotga koʻra, ushbu soxta akkauntlar orqali turli iltimoslar, topshiriqlar hamda pul yoki shaxsiy maʼlumot soʻrash kabi xatti-harakatlar kuzatilyapti.

Vazirlik barcha rahbarlarni ogohlikka chaqirib, bunday yolgʻon maʼlumotlarga ishonmaslikni, axborot xavfsizligini taʼminlashga yanada jiddiy eʼtibor qaratishlarini soʻragan.

Maʼlumot uchun, bunday soxta profillarni aniqlashning bir necha usuli boʻlib, ulardagi barcha maʼlumotlar yopiq va yozishmalar yangidan boshlanadi. Shuningdek, mazkur akkauntlarga video va audio qoʻngʻiroqlarni amalga oshirib boʻlmaydi.

“Agar siz ham shunday holatlarga duch kelsangiz, zudlik bilan Ichki ishlar vazirligi Kiberxavfsizlik markaziga murojaat qiling”, — deyiladi ogohlantirish xabarida.