Тойлоқ туманида қишлоқ хўжалигини ривожлантириш, хусусан, боғдорчилик ва кўчатчилик соҳаларини кенгайтириш борасида амалга оширилаётган ишлар ўз самарасини бермоқда.

Ана шундай эзгу ташаббуслардан бири «SAMARQAND QULUPNAY INPEKS» фермер хўжалиги томонидан амалга оширилди. Улар Тойлоқ туманига инвинтро усулида етиштирилган бодом кўчатларини олиб келиб, ҳудудда кенг миқёсда экишни йўлга қўйди.

Адас маҳалласи ҳамда Сариосиё маҳалласига 2000 дона «Авижор» навли бодом кўчатлари келтирилиб ҳудуд хонадонларига экилди. Ушбу кўчатлар замонавий инвинтро технологияси асосида етиштирилгани билан ажралиб туради, бу эса уларнинг тез ўсиши, касалликларга чидамлилиги ва юқори ҳосилдорлигини таъминлайди.

Мазкур ташаббус нафақат ҳудудда яшовчи аҳоли даромадини оширишга, балки томорқалардан самарали фойдаланишга ҳам хизмат қилади.

Абдулазиз ЙЎЛДОШЕВ, «Халқ сўзи».