Хоразм вилоятининг Хива туманида замонавий маданият маркази янгидан қурилиб, фойдаланишга топширилди. Янги маскан 180 ўринга эга бўлиб, унда томоша зали, ансамбллар, тўгарак ва машғулотлар хоналари, туман кўзи ожизлар кутубхонаси учун хоналар мавжуд.

Қарийб 3,5 млрд эвазига бунёд этилган ушбу иншоот туманнинг марказида, аҳолига қулайлиги билан ажралиб туради.

Очилиш маросимида Хоразм вилояти ҳокимининг ўринбосари Б.Саидов, Хива тумани ҳокими С.Полвонов, вилоят маданият бошқармаси бошлиғи Ғ.Эшчановлар ҳамда кенг жамоатчилик вакиллари марказда янги ташкил этилган тўгараклар фаолияти билан танишдилар.

Мазкур туманда аҳолининг маданий ҳордиқ чиқариши, ёшларнинг ижодий салоҳиятини ривожлантириш билан бирга миллий қадриятларни тарғиб этишга хизмат қилувчи замонавий «Янги Ўзбекистон» маданият маркази сифатида эътироф этилди.

Маълумот ўрнида, Хоразм вилоятида 60дан ортиқ маданият марказлари мавжуд.