26:T798,

Исроил Мудофаа Армияси Ливан жанубидаги ҳарбий операцияни кенгайтирмоқда. Бу ҳақда Исроил Бош вазири Биньямин Нетаньяҳу маълум қилди, унинг сўзларидан ТАСС агентлиги иқтибос келтирмоқда.

«Менинг кўрсатмамга мувофиқ, биз Ливандаги операцияни кенгайтирмоқдамиз. ЦАХАЛ жойларда катта куч билан ҳаракат қилмоқда ва стратегик ҳудудларни эгалламоқда. Биз Исроил шимолидаги аҳоли пунктларини ҳимоя қилиш учун хавфсизлик ҳудудини мустаҳкамлаяпмиз», — деди у хавфсизлик масалалари бўйича тор доирадаги кабинет йиғилишида.

Мавжуд маълумотларга кўра, Жанубий Ливаннинг 34 та аҳоли пунктида яшовчи фуқаролар Исроил армиясидан ушбу ҳудудларда жойлашган «Ҳизбуллоҳ» гуруҳи объектларига уюштириладиган авиазарбалар ҳақида огоҳлантириш олган.

Ҳарбий вакил Авихай Эдри ливанликлардан хавфли ҳудудни тарк этишни талаб қилган.