Олий Мажлис Сенатининг Фан, таълим ва соғлиқни сақлаш масалалари қўмитаси раиси Баҳром Абдуллаев МДҲ иштирокчи давлатлари Парламентлараро Ассамблеяси Фан ва таълим бўйича доимий комиссиясининг мажлисида онлайн шаклда иштирок этди.

Мажлис давомида кун тартибидаги долзарб масалалар кўриб чиқилди, шунингдек, фан ва таълим соҳасидаги ҳамкорликни ривожлантиришга қаратилган ташаббуслар муҳокама қилинди.

МДҲ иштирокчи давлатлари учун болалар ва ёшларни касб-ҳунарга йўналтириш бўйича тавсиялар лойиҳасига, шунингдек, «Болаларга таълим-тарбия бериш учун ота-оналарнинг жавобгарлиги тўғрисида»ги намунавий қонун лойиҳасига алоҳида эътибор қаратилди.

Бундан ташқари, иштирокчилар сунъий интеллект соҳасидаги глоссарий лойиҳасини кўриб чиқдилар, шунингдек, МДҲ доирасида таълим ва фан соҳасида ўтказилаётган тадбирлар ҳақида маълумотларни тингладилар.

Мажлис якунида ташкилий масалалар, жумладан, доимий комиссиянинг навбатдаги мажлисини ўтказиш масаласи муҳокама қилиниб, тегишли қарорлар қабул қилинди.