АҚШ президенти Дональд Трамп ва юқори лавозимли амалдорларга суиқасд уюштиришга уриниш иши юзасидан янги тафсилотлар маълум бўлди. Бу ҳақида BILD нашри хабар берди.

АҚШ расмийлари суиқасд уюштиришда гумонланган калифорниялик ўқитувчи Коул Алленнинг ҳужум олдидан олинган селфи суратини ошкор қилди. Маълум қилинишича, ушбу селфи 25 апрель куни тунда, Вашингтон шаҳридаги «Washington Hilton» меҳмонхонасида олинган. Ушбу сурат унинг ҳужумдан олдинги сўнгги тасвири экани тахмин қилинмоқда.

Тергов маълумотларига кўра, Аллен фотосуратни «White House Correspondents Association» тадбири ўтаётган зал яқинида, отишма бошланишидан тахминан 30 дақиқа олдин олган. Тасвирда ўқ-дорилар солинган сумка, милтиқ ғилофи, бир нечта пичоқ, тўппончалар, қўшимча патронлар ва сим кескичлар акс этганини кўриш мумкин.

Маълум бўлишича, Коул Аллен АҚШ президентига суиқасд қилишга уриниш, оғир жиноят содир этиш мақсадида штатлараро қурол олиб ўтиш ҳамда қотилликка уринишда ўқотар қуролдан фойдаланиш каби бир қатор моддалар билан айбланяпди. Ҳозирда мазкур ҳолат юзасидан тергов ҳаракатлари давом этмоқда.