Сербия Президенти Александр Вучич янги муддатга ўз номзодини кўрсатмайди. Бу ҳақда «Сербиягаз» давлат газ компанияси кузатув кенгаши раиси, Сербия собиқ вице-бош вазири Александр Вулин маълум қилди, унинг сўзларидан ТАСС иқтибос келтирмоқда.

«Президент Вучич — конституциявий етакчи, бизнинг конституциямизга кўра эса фақат икки муддат президент бўлиш мумкин. У ҳеч қачон конституцияни бузмайди ва бунга ўхшаш ишга қўл урмайди. Шундай экан, йўқ (номзодини қўймайди). Аммо мен мутлақо аминман: президент Вучич Сербиянинг янги сиёсий ҳаётининг бир қисми бўлиб қолади ва сиёсат билан шуғулланишни давом эттиради», — деб қайд этди у.

Вулин Вучичнинг «ҳали ҳам жуда муҳим ўйинчи бўлиб қолишини» алоҳида таъкидлади.

«У илгаригидек жуда муҳим ўйинчи бўлиб қолади ва унинг роли ҳали тугаганидан анча йироқ. Бироқ у энди Сербия президенти бўлмайди», — дея таъкидлади Вулин.

Аввалроқ Александр Вучич ваколат муддати тугаши яқинлашаётгани муносабати билан истеъфога чиқиши мумкинлигини маълум қилган эди.