26:T76b,

Эрон Исроилнинг Ливан ҳудудига уюштирган зарбалари сабабли музокаралар жараёни доирасида АҚШ билан хабар алмашишни вақтинча тўхтатмоқда, деб хабар беради Tasnim агентлиги.

«Эрон томони Исроилнинг Ливанга нисбатан давом этаётган жиноятлари муносабати билан воситачи орқали олиб борилаётган музокаралар ва хабар алмашишни тўхтатиб туради», — дейилади хабарда.

Аввалроқ Ислом Республикаси Ташқи ишлар вазири Аббос Ароқчи Эрон ва АҚШ ўртасида ўт очишни тўхтатиш тартибини ўрнатиш шартлари Исроилнинг Ливандаги ҳарбий ҳаракатларига ҳам тегишли эканини, шу сабабли Теҳрон ушбу ҳаракатларнинг давом эттирилишини умумий сулҳнинг бузилиши деб ҳисоблашини таъкидлаган эди.

ТИВ раҳбари ушбу қоидабузарликлар оқибатлари учун жавобгарлик тўлиқ ва бутунлай АҚШ ҳамда Исроил зиммасига тушишини алоҳида қайд этди.