26:T7e6,

Тошкент шаҳар Ички ишлар бош бошқармаси Йўл ҳаракати хавфсизлиги бошқармаси ёзги таътил бошланиши муносабати билан ота-оналар ва ҳайдовчиларга мурожаат билан чиқди.

Таъкидланишича, ёзги таътил даврида болалар кўпроқ кўчаларда, ҳовлиларда, ўйин майдончаларида ҳамда автомобиль йўллари яқинида вақт ўтказади. Шу сабабли ота-оналардан фарзандларига йўл ҳаракати қоидаларини мунтазам эслатиб туриш сўралган.

Хусусан, болаларга йўлни фақат пиёдалар ўтиш жойларидан кесиб ўтиш, светофор ишораларига амал қилиш, йўлга тўсатдан югуриб чиқмаслик ҳамда велосипед ва самокатда ҳаракатланаётганда эҳтиёткор бўлиш зарурлиги билдирилган.

Шунингдек, мурожаатда болаларнинг хавфсизлиги, аввало, катталарнинг эътибори ва масъулиятига боғлиқлиги таъкидланиб, ҳайдовчилар болалар кўп бўладиган ҳудудларда тезликни пасайтириш, йўлларда янада ҳушёр ва эҳтиёткор бўлишлари тавсия қилинган.