Таълим хабарлари Telegram-каналининг маълумот беришича, ўқув машғулотларини ўтказганлик учун соатбай ҳақ тўлаш миқдорлари тегишли вазирликларнинг қарори билан белгиланган.

Унга кўра, умумтаълим мактаблари ўқитувчиларига соатбай ҳақ тўлаш миқдорига меҳнат таътили пули ҳам киритилган бўлиб, шу сабабли уларга алоҳида таътил тўлови ҳисобланмайди.

«Ўқув машғулотларини ўтказганлик учун меҳнатга соатбай ҳақ тўлаш миқдорларини тасдиқлаш тўғрисида»ги қарорга мувофиқ, умумтаълим мактабларининг бошланғич ва юқори синфлари ўқитувчилари, ўқитувчи-логопеди, логопедия шохобчаси мудири Меҳнатга соатбай ҳақ тўлаш миқдори базавий лавозим маошларига нисбатан 1.20 фоизда ҳақ тўланади.

Юқоридаги қарорга асосан, соатбай ҳақ тўлаш миқдори таркибига меҳнат таътили ҳақи киритилган. Яъни ходим соатбай ҳақ олаётганда шу ҳақнинг ичида таътил пули ҳам бўлади. Шунга кўра, уларга таътил пули ҳисобланмайди.