Сирдарё вилояти Гулистон шаҳрида жойлашган дорихоналардан бирида ёнғин юз берди. Бу ҳақда вилоят Фавқулодда вазиятлар бошқармаси хабар берди.

Маълум қилинишича, кеча, 30 апрель куни соат 01:43 да Гулистон шаҳар «Обод юрт» МФЙда жойлашган дорихонанинг 45 квадрат/метр майдонида том ва шифт қисми ҳамда ички жиҳозлари ёнган.

Гулистон шаҳар Фавқулодда вазиятлар бўлими қутқарувчилари томонидан ёнғин соат 02:29 да ўчирилган ва савдо дўконига туташ иморатларнинг 400 квадрат/метр майдони сақлаб қолинган.

Қайд этилишича, ҳодиса оқибатида тан жароҳати олганлар йўқ. Ҳозирда ёнғиннинг келиб чиқиш сабаби ва келтирилган зарар миқдори аниқланмоқда.