26:T7c1,

Европа комиссияси президенти Урсула фон дер Ляйен Черногорияда бўлиб ўтган «Европа Иттифоқи – Ғарбий Болқон» саммитида Иттифоқнинг кенгайиш жараёнини тезлаштиришга чақирди.

Унинг таъкидлашича, Европа Иттифоқи кенгайиши «тезроқ ва ишончлироқ» суръатда давом этиши зарур. Янги давлатларни қабул қилиш Европа учун нафақат сиёсий интеграцияни кучайтиради, балки хавфсизлик ва иқтисодий фаровонликни ҳам оширади. Бу эса бутун қитъанинг барқарорлигини мустаҳкамлашга хизмат қилади.

Маълумот учун, ҳозирда Ғарбий Болқон давлатлари билан бир қаторда Украина ва Молдова ҳам Европа Иттифоқига аъзо бўлишга интилаётган мамлакатлар қаторида турибди. 2028 йилгача аъзоликка эришишни мақсад қилган Черногория эса энг истиқболли номзод сифатида баҳоланяпти.

Таҳлилчиларнинг фикрича, Европа Иттифоқи кенгайишни минтақавий хавфсизликни мустаҳкамлаш ҳамда Россия ва Хитой таъсирига қарши мувозанат сифатида кўраётган бўлиши мумкин.