Фарғона вилоятининг 4 та туманига янги ҳокимлар тайинланди. Бу ҳақида Фарғона вилояти ҳокимлиги хабар берди.

Маълум қилинишича, халқ депутатлари Фарғона, Бешариқ, Ўзбекистон туманлари ҳамда Марғилон шаҳар кенгашларининг навбатдан ташқари сессиялари бўлиб ўтган.

Мазкур йиғилиш ишида вилоят ҳокими Хайрулло Бозоров иштирок этиб, уларда ташкилий масала кўриб чиқилган ҳамда Фарғона вилоятининг 4 та туманига янги ҳокимлар тайинланган.

Жумладан:

Машрапов Нодиржон Рузибоевич Фарғона тумани ҳокими,
Новиков Илёс Валериевич Бешариқ тумани ҳокими,
Жўраев Расулжон Каримович Ўзбекистон тумани ҳокими,
Рустамов Элбек Рустамович Марғилон шаҳар ҳокими этиб тасдиқланган.