Вашингтонда Коул Томас Алленга АҚШ Президенти Дональд Трампнинг ҳаётига суиқасд қилишга уриниш айблови қўйилди, деб хабар бермоқда ТАСС.

«Бу Алленнинг Қўшма Штатлар пойтахтидаги судда илк бор кўриниш бериши вақтида юз берди», — дейилади хабарда.

Маълумотларга кўра, давлат раҳбарига суиқасд қилишга уриниш айблови билан Алленга умрбод озодликдан маҳрум қилиш жазоси таҳдид солиши мумкин.

Шунингдек, Аллен яна иккита банд бўйича айбланмоқда: оғир жиноят содир этиш мақсадида ўқотар қурол ва ўқ-дориларни ташиш, шунингдек, зўравонлик жиноятини содир этишда ўқотар қуролдан фойдаланиш.

Аллен ҳибсда қолдирилди, иш бўйича илк суд эшитувлари 30 апрель куни бўлиб ўтиши белгиланган.

Эслатиб ўтамиз, ўтган дам олиш кунларида ов милтиғи билан қуролланган эркак «Wашингтон Hilton» меҳмонхонасининг банкет залига бостириб кирган эди. У ерда Оқ уй мухбирлари иштирокида тантанали кечки овқат бўлиб ўтаётган эди. Жиноятчи Махфий хизмат агентини яралашга улгурган.

Кейинчалик маълум бўлишича, ҳужумни калифорниялик 31 ёшли ўқитувчи Коул Томас Аллен содир этган. Унинг аввал судланганлиги мавжуд эмас ва қуролни қонуний равишда сотиб олган.