Олтинсой туманида пахта майдонларини суғоришда «Кавсар» технологияси асосида ишловчи замонавий мобил мажмуа жорий этилди.

Ушбу инновацион қурилма қуёш энергиясида ишлайди. У 3,5 километргача бўлган масофага йиғма қувурлар орқали сув етказиб бериш имконини беради. Бу эса сув танқислиги шароитида қўл келади.

— «Кавсар» технологияси сув ресурсларидан оқилона фойдаланиш, электр энергиясини тежаш ҳамда экинлар ҳосилдорлигини оширишда қулай замонавий усул, — дейди «Ўзсувтаъминот» АЖ Сурхондарё «Сувтаъминоти» МЧЖ Олтинсой тумани бўлими бошлиғи Муротали Абдуллаев. — Айниқса, пахтачиликда бу каби ёндашувлар юқори самара беради. Бу технология нафақат иқтисодий жиҳатдан самарали, балки экологик тоза ечим сифатида ҳам катта истиқболга эга.

Келгусида уни кенг жорий этиш борасида тизимли ишлар олиб борилмоқда.

Фарҳод ЭСОНОВ, «Халқ сўзи».