АҚШ Президенти Дональд Трамп Эрон ядровий дастур масаласида келишувга эришишга қодир эмаслигини маълум қилди. Тегишли пост Truth Social ижтимоий тармоғида эълон қилинди.

«Эрон ўзини қўлга ололмаяпти. Улар ядровий қуролни тарқатмаслик тўғрисида қандай қилиб келишув тузишни билишмайди. Улар тезроқ ҳушини йиғиб олгани маъқул!» — деб ёзди Америка етакчиси.

Аввалроқ Axios портали Эрон АҚШга Ҳўрмуз бўғозини очиш ва урушни тўхтатишни назарда тутувчи таклиф юборгани ҳақида хабар берган эди.

Тахминларга кўра, ўт очишни тўхтатиш тартиби узоқ муддатга узайтирилади ёки томонлар урушни узил-кесил якунлаш бўйича келишувга эришадилар.

Эрон ядровий дастури бўйича музокаралар Ҳўрмуз бўғози очилиб, Эрон портлари блокадаси ечилганидан кейин бошланиши кўзда тутилган.