АҚШ Президенти Дональд Трамп Эрон билан тинчлик музокаралари яқин уч кун ичида бўлиб ўтиши мумкинлигини тан олди. Бу ҳақда The New York Post хабар бермоқда.

«Бунинг эҳтимоли бор», — деб жавоб берди Америка етакчиси музокаралар яқин 36–72 соат ичида бўлиб ўтиши мумкинлиги ҳақидаги саволга.

Аввалроқ Дональд Трамп Эрон билан ўт очишни тўхтатиш тартибини узайтириш ҳақида буйруқ берган эди.

Америка етакчисининг сўзларига кўра, Покистон расмийлари Қўшма Штатлардан Эрон раҳбарияти ва вакиллари ягона таклиф ишлаб чиқмагунча, ушбу мамлакатга зарба беришни тўхтатиб туришни сўраган.

Эрон парламенти спикерининг маслаҳатчиси Маҳди Муҳаммадий Вашингтон томонидан эълон қилинган сулҳнинг узайтирилиши бир найранг эканини ва бу АҚШга Ислом Республикасига нисбатан янги кутилмаган зарба тайёрлаш имконини беришини маълум қилди.