Бугун, 1 май куни тунда Тошкент шаҳрида ёмғир ёғиши ва кучли шамол эсиши кутилмоқда. Бу ҳақда пойтахт Фавқулодда вазиятлар бош бошқармаси огоҳлантириш эълон қилди.

Маълум қилинишича, бугун тунда Тошкент шаҳри ҳудудида ёғингарчилик ва кучли шамол бўлиши кутилаётганлиги сабабли қуйидаги хавфсизлик чораларига риоя қилиш тавсия этилади.

Пойтахт ФВББ фуқаролардан қуйидаги эҳтиёт чораларини кўришни сўраган:

• яшаш жойларида эшик-деразалар, чордоқ ва ҳаво айланиш тизимларини маҳкам беркитиш;

• кўчаларда дарахт ва электр устунлари тагида турмаслик;

• кўп қаватли бинолар балконларида, дераза токчалари ҳамда ташқаридаги буюмларни имкон қадар хавфсиз жойларга олиб қўйиш ёки мустаҳкамлигини текшириш;

• шамол кучайганда, мустаҳкам қурилган бинолар, ер ости ўтиш йўллари ва бошқа яшириниш мумкин бўлган жойларда муҳофазаланиш;

• бузилган биноларга кириш, хавфли устунлар, реклама устунлари ва дарахтлар ортига яшириниш тақиқланади.

Шу ўринда, бошқарма автомобилларни дарахтлар ва енгил конструкцияли қурилмалар остида қолдирмасликни ва хонадонларда барча газ қурилмаларини доимий назорат қилиб туришларини тавсия этган.

Шунингдек, бирор кор-ҳол юз берса, қуйидаги телефон рақамларига мурожаат қилиш айтилган:

112;
1055;
(55) 515-10-50.