Аввалроқ Пролиганинг 6-туридан ўрин олган «Яйпан» — «Ғазалкент» учрашувида ҳакамдан норози мухлислар оммавий равишда майдонга тушиб кетгани ҳақида хабар берилган эди. Мазкур баҳсли вазият Ўзбекистон футбол ҳакамлари марказининг экспертлар гуруҳи томонидан кўриб чиқилди.

Қайд этилишича, ўйиннинг 80-дақиқасида ҳужумчига нисбатан қўполлик содир этилганига қарамай, бош ҳакам томонидан қоидабузарлик белгиланмаган. Шунингдек, Рустам Чориев ўйин давомида бир қатор хатоларга йўл қўйиб, ўйин мувозанатини сақлай олмагани таъкидланган.

Эксперт ҳакамлар гуруҳи хулосасига асосан Рустам Чориев вақтинчалик Суперлига ва Пролига учрашувларидан четлатилди.