АҚШ Эронни келишув тузишга шоширмаяпти, ўт очишни тўхтатиш тартиби ва музокараларнинг янги санасини келишиб олиш бўйича аниқ вақт чегаралари мавжуд эмас. Бу ҳақда Америка етакчиси Дональд Трамп маълум қилди, унинг сўзларидан «Интерфакс» иқтибос келтирмоқда.

«Бунинг учун муддатлар бўйича ҳеч қандай босим йўқ», — деди республикачи Fox News телеканалига берган интервьюсида.

Трамп 3–5 кунлик муҳлат ҳақидаги хабарлар ёлғон эканлигини алоҳида таъкидлади.

«Одамлар мени оралиқ сайловлар сабабли буни тезроқ тугатишни хоҳлаяпти, деб айтишмоқда — бу ҳақиқат эмас», — дея қайд этди АҚШ президенти ва унинг маъмурияти Америка халқи учун фойдали бўлган келишувга эришишни исташини қўшимча қилди.

АҚШ президентининг фикрича, Эрон портларининг денгиз блокадаси «эронликларни бомбардимонлардан кўра кўпроқ қўрқитмоқда».