26:T79a,

Исъҳоқхон Ибрат номидаги Наманган давлат чет тиллари институтида 2025-2026-ўқув йили якуни муносабати билан ўқув, илмий, инновацион, маънавий-маърифий ҳамда спорт йўналишларида юқори натижаларга эришган талабаларни тақдирлаш маросими бўлиб ўтди.

Тадбирда Олий Мажлис Сенатининг Фан, таълим ва соғлиқни сақлаш масалалари қўмитаси раиси Одилжон Маматкаримов профессор-ўқитувчилар, жамоатчилик вакиллари ҳамда талабалар иштирок этди.

Тақдирлаш маросимида сўзга чиққанлар Янги Ўзбекистонда ёшларнинг сифатли таълим олиши, илм-фан билан шуғулланиши, хорижий тилларни пухта эгаллаши ва ўз салоҳиятини рўёбга чиқариши учун кенг имкониятлар яратилаётганини таъкидлади. Шунингдек, ёшларнинг билим ва интеллектуал салоҳияти мамлакат тараққиётининг муҳим омили экани қайд этилди.

Маросим давомида таълим, илм-фан, инновация, жамоатчилик ва спорт йўналишларида алоҳида ютуқларга эришган талабалар диплом, ташаккурнома ва эсдалик совғалари билан тақдирланди.