«Барселона» ҳамда «Арсенал» ўртасида йирик алмашинув битими амалга ошиши мумкин. Бу ҳақда «Indykaila» нашри хабар бермоқда.

Манбага кўра, томонлар футболчилар алмашинуви вариантини кўриб чиқмоқда. Унга мувофиқ, «Арсенал» сардори Мартин Эдегор Каталонияга йўл олса, Дани Ольмо Лондон клубига кўчиб ўтиши мумкин.

Қайд этилишича, «Барселона» раҳбарияти ва жамоа бош мураббийи Ханс-Дитер Флик Дани Ольмонинг кетишига қарши эмас. Бироқ каталонияликлар мазкур битим амалга ошиши учун Мартин Эдегорнинг трансферга киритилишини асосий шарт сифатида кўрмоқда.

Ҳозирча клублар ўртасида расмий келишув мавжуд эмас ва музокаралар қай даражада экани ҳам очиқланмаган.

Маълумот учун, Мартин Эдегор ўтган мавсум «Арсенал» сафида жамоанинг асосий етакчиларидан бири бўлган бўлса, Дани Ольмо «Барселона» таркибида муҳим футболчилардан бири сифатида майдонга тушди.