26:T74f,

Аввал хабар берганимиздек, Самарқанддаги «Silk Road Samarkand» халқаро туризм марказида ҳудуднинг туристик жозибадорлигини янада ошириш ҳамда меҳмонлар учун қулай ва замонавий транспорт инфратузилмасини яратиш мақсадида замонавий дор йўли қурилаётган эди.

Ушбу «Канат йўли» мажмуаси расман фойдаланишга топширилди. Мазкур лойиҳа вилоят туризм салоҳиятини янада юксалтириш, меҳмонлар учун янги ва унутилмас таассуротлар яратиш мақсадида амалга оширилди.

Дор йўлининг умумий узунлиги 1700 метрни ташкил этади ва у 35 та кабинадан иборат бўлиб, ҳар бир кабинада 10 нафаргача йўловчини ташиш ва соатига 1500 кишига хизмат кўрсатиш имкониятига эга.

«Канат йўли» сайёҳларга Самарқанднинг гўзал ва бетакрор манзараларини баландликдан томоша қилиш имконини беради. Замонавий талабларга мос равишда бунёд этилган мажмуа қулайлик ва хавфсизликни ўзида мужассам этган.

Абдулазиз ЙЎЛДОШЕВ, «Халқ сўзи».