2026 йилнинг 1 апрель ҳолатига Ўзбекистонда 577,2 мингта корхона ва ташкилотлар фаолият юритмоқда. Бу ҳақида Миллий статистика қўмитаси маълумот берди.

Корхона ва ташкилотлар ҳудудлар кесимидаги сони бўйича тақсимланганда энг яхши кўрсаткич Тошкент шаҳрида кузатилиб, пойтахтда 109 781 та корхона фаолият юритмоқда. Ундан кейинги ўринларда 54 542 та кўрсаткич билан Тошкент вилояти иккинчи, 53 457 та корхона билан Самарқанд вилояти учинчи ўринда қайд этилган.

Шунингдек, Фарғона вилоятида 49 303 та, Қашқадарёда 44 221 та, Андижонда 35 524 та, Бухорода 35 098 та, Наманганда 33 796 та, Хоразмда 32 512 та, Сурхондарёда 32 030 та, Қорақалпоғистон Республикасида 29 471 та, Жиззахда 26 741 та, Навоийда 24 208 та ҳамда Сирдарё вилоятида 16 522 та корхона ва ташкилотлар рўйхатга олинган.

Қўмита маълумотларига кўра, мавжуд корхоналарнинг сони ўтган йилнинг мос даврига нисбатан 41,3 мингтага ёки 7,7 фоизга ошган.