НАТО ҳар йили саммитлар ўтказиш амалиётини тўхтатиш имкониятини кўриб чиқмоқда, деб хабар беради Reuters.

Агентлик суҳбатдошларининг таъкидлашича, НАТО давлатлари АҚШ президенти Дональд Трамп иштирокидаги «кескин ўтиши мумкин бўлган» учрашувлардан қочишни исташади.

«Ёмон саммитлардан кўра, камроқ саммит ўтказган маъқул. Ишимиз шундоқ ҳам кўп, нима қилишимиз кераклигини биламиз», — деди манбалардан бири.

Хусусан, саммитларни икки йилда бир марта ўтказиш варианти кўриб чиқилмоқда. Бундан ташқари, Трамп президентлигининг сўнгги йили бўлган 2028 йилдаги саммит бекор қилиниши ҳам мумкин.

Reuters нашрининг қайд этишича, якуний қарор альянс бош котиби Марк Рютте томонидан қабул қилинади.

2021 йилдан бери НАТО саммитлари ҳар йили ўтказиб келинмоқда, авваллари эса улар ҳар икки йилда бир марта ташкил этиларди. Навбатдаги учрашув шу йилнинг июль ойида Туркияда бўлиб ўтиши режалаштирилган.